Magnong Baboy

Isang masayang balita ang bumungad sa akin nung isang gabi....ang isa sa inahin ng aking munting babuyan ay nanganak ng 10 biik. Ang sarap pakingan, ang sarap isipin na nagbubunga ang lahat ng pinaghihirapang bagay. Bigla kong hiningi ang mga litrato na kahit nasa malayo ako ay makita man lang ako. Biro nga ng isang kaibigan, tatay na ako ulit. Hahaha!

hindi nagtagal at nakita ko nga agad ang mga larawan, panibagong saya ang aking muling naramdaman. Agad agad kong ginawan ng photo album sa aking facebook account. Labis ang aking pasasalamat sa aking Ate at sa aking bayaw sa kanilang patuloy na pagtulong at pag-agapay sa aking munting pangarap.

Ang akin lamang dalangin, sana mas lumaki pa. Sana mas dumami pa ang mga biik. Sana madagdagan pa dahil sa ngayon ito pa lang ang aking kayang ibahagi sa mga taong importante sa akin, ang aking mga kapatid at magulang. Sadyang kay buti ng Diyos sa akin at sa aking pamilya. Sana patuloy kong maging kakampi ang poong maykapal hangang sa huli.

February 14, 2011 - Valentine's Day daw!

Hay....February 14 pala ngayon....Valentine's Day sa karamihan at puro ka-sweet-an sa ilan. Grabe talaga, pag ganitong araw...lahat dapat masaya, may ngiti sa labi at punong-puno nang pagmamahal pero sa hindi ko maintindihang kadahilanan.....parang lahat ay mainit ang ulo. Magmula sa mga Pulis na nakita ko kaninang umaga habang nagmamaneho papunta ng office hangang sa receptionist at sa mga taong nakaka-katrabaho ko sa araw-araw. Bakit kaya? e....hindi ko alam.

Kahapon pa lang...nagkalat sa kalsada ang mga bulaklak at ka-cheap-an na souvenir items pero ni hindi makuhang i-check ang presyo kasi wala naman akong pagbibigyan. Marami akong nasa utak na pdeng pagla-anan pero halos lahat malayo sa tabi ko....so, paano? ay...hindi ko rin alam.

Hapon na at konti na lang e matatapos na ang espesyal na araw na ito pero sa mga oras na ito tila hindi pa rin napapawi ang init at hindi pa rin mabura anga mga simangot na nakaguhit sa mga labi ng bawat isan sa loob ng opisina......grabe....paano kaya? e, bahala na.

Basta, Happy Valentine's Day na lang....basta ako, sa puso ko....punong-punong ako ng pagmamahal ngayon!